Женската кошаркарска репрезентација на Македонија го претрпе и третиот пораз во квалификациите за Европското првенство 2015 година.
Во рамките на 3.коло Македонија загуби на гостувањето кај Белгија со 94:66 (22-20; 27-9; 29-20; 16-17).
По речиси изедначената прва четвртина која домашните кошаркарки ја добија со 2 поена разлика, во следната Белгија направи разлика од 18 поени и практично ја обезбеди победата. Единствено во последната четвртина нашите кошаркарки резултатски беа поуспешни.
Во редовите на Македонија Криси Тијана Гивенс со 20 поени беше најефикасна, Анжелика Митрашиновиќ постигна 16, а Ивана Кметовска беше на чекор до „дабл – дабл“ ефект 10 поени и 9 скокови.
Во следното коло Македонија на домашен терен игра против Литванија на 18 јуни.