Досегашниот фудбалер на Баер Леверкузен, Сон Хеунг Мин, потпиша договор со Тотенхем до 2020 година, јавија британските медиуми.
Јужно-кореецот дојде во Баер од Хамбург во 2013 г. и одигра 87 натпревари постигнувајќи 29 голови.
Би-Би-Си пренесе дека договорот со 23-годишниот напаѓач е постигнат и само се чека неговата работна дозвола.
– Се радувам што ќе заиграм во Англија едвај чекам да настапам пред навивачите на Тотенхем. Сакам да играм храбро, изјави Сон.
За репрезентацијата на Јужна Кореа има одиграно 44 натпревари и постигнал 11 голови.