Руската тенисерка Марија Шарапова го освои турнирот во германскиот град Штутгарт. Русинката во финалниот дуел со 2:0 во сетови ја победи Кинеската На Ли.
Првиот сет заврши со 6:4, а во вториот Шарапова беше подобра со 6:3. Со овој триумф Русинката го одбрани трофејот освоен минатата година.
На машкиот турнир во Барселона победи Рафаел Надал што претставува осми триумф за Шпанецот на овој турнир.
Попладнево во финалето Надал беше подобар од својот сонародник Николас Алмагро со 2:0 (6:4 и 6:3).
Во меѓусебниот биланс на овие двајца шпански тенисери Надал води со 10:0.