УЕФА објави дека направила вонредна промена на еден од судиите на натпреварот од Лигата на шампионите помеѓу ПСВ Ајндховен и Спортинг Лисабон.
Италијанецот Фабио Мареска требаше да биде четврти судија на овој меч, но се најде во центарот на скандал и по итна постапка беше избришан од списокот.
Како што пренесува „Газета дело Спорт“, Мареска му се заканувал на еден од играчите со смрт за време на мечот во кувајтското првенство меѓу Кувајт и Ал Араби, каде тој ја делел правдата.
Откако тие обвинувања излегоа во јавноста, а целиот скандал стигна до првиот човек на УЕФА, тој беше отстранет од натпреварот од Лигата на шампионите за кој беше делегиран.
Како што соопштија од Европската фудбалска унија, на овој натпревар од елитното натпреварување на негово место ќе дојде неговиот сонародник Даниеле Довери.
Главен судија ќе биде Марко Гуида, а помошници ќе бидат Чиро Карбоне и Џорџо Перети.