Стотина Планинари денес се искачија на Царев Врв на Осоговските Планини

Од:

Убавите снежни предели на Осоговскиот планински масив во Кривопаланечкиот реон, со врвовите Калин Камен и Царев Врв беа причина стотина планинари од Скопје, Куманово, Кавадарци и Крива Паланка денес да се искачат на планината и да уживаат во зимската идила.

dobivaj vesti na viber

Акцијата ја организираа иницијаторите од здружението „l love hiking Macedonia“, а се придружија планинарско-спортски клубови и друштва од Крива Паланка, Куманово и Кавадарци, под водство на лиценцирани планинарски водичи, согласно сите протоколи за организација согласно мерките за заштита од Ковид-19.

-Денес стотина учесници, членови на друштвата се искачија на Царев Врв на надморска височина од 2085 метри. Патеката е средно-тешка, се искачувавме во зимски услови, беше заснежено, но имаше силен ветар, кој го отежнуваше движењето, особено на оние што се почетници. Инаку, бевме шеесетина члена од „I love hiking Macedonia“ и останатите од другите друштва, рече Стефан Перовски , водич во „ I love hiking Macedonia“.

Истакна дека овој дел од Осоговските Планини е прекрасен, изобилува со убави пејзажи и е привлечен и за туристи и планинари во текот на целата година.

Според него, интерес за планинарење има кај се по голем број млади, а најчесто соодносот на мажи и жени во акциите е 60 наспрема 40 во корист на дамите, за кои вели, се можеби по големи авантуристи.

Следната акција за искачување во организација на „I love hiking Macedonia“ е планирана претстојниот викенд, на врвот Кобилица, Шар Планина, која е тешка планинарска рута.

Би можело да ве интересира

Пронајдени и спасени двајца планинари на Шар Планина

Катерина Павлова-Николовска

Врвот Голема Вртешка дел од маршрутата на ПСК „Голак“ Делчево

Ана Ололовска

Да се допрат снеговите на Килиманџаро

Ана Ололовска

Младиот планинар Ване Бошев од Неготино по втор пат го искачи врвот Мали Томор во Албанија, во услови на невреме

Ана Ололовска

Почнува првиот „Плетвар аутдор фестивал“

Ана Ололовска

Планинска тура на Шар Планина под мотото „Испоти се во природа“

Ана Ололовска