Старт на Копа Америка со 100-та победа на Бразил

Од:

Со стота победа на Бразил во Копа Америка, што домаќините ја постигнаа на синоќешниот натпревар против Боливија со резултат 3-0, стартуваше годинешното фудбалско првенство на американскиот континент.

Бразил иако доминираше во текот на целиот натпревар, сепак поради големиот отпор на Боливија, првиот гол успеа да го постигне дури во 50. минута, и тоа преку пенал кој го реализираше играчот на Барселона Филипе Кутињо.

Истиот играч, само три минути подоцна беше автор на вториот гол за домаќините, но овој не од белата точка, туку со удар со глава по прецизно изведен центаршут од десната страна на играчот на Ливерпул Роберто Фирмин.

Третиот гол за Бразил за конечен резултат на натпреварот од 3:0, го постигна резервистот Евертон Соареш, кој мрежата на Боливија ја затресе по само една минута игра.

Инаку, Бразил ја предводи групата „А“, во која освен Боливија, се наоѓаат и репрезентациите на Перу и Венецуела, кои вечерва во 21 часот ќе ги одмерат силите на вториот натпревар од оваа група.

Би можело да ве интересира

Бразил ја обвини Венецуела дека испушта нафта на плажите

На брегот на Бразил протекоа сто тони нафта, закана за плажите во 42 града

Ана Ололовска

ВИДЕО: Во Бразил запленети 617 килограми кокаин во пакети со логото „ФК Елбасан“

Болсонаро: Амазонија не е „наследство на човештвото“

Албанија забрани влез на над 27 тони пилешко месо и 19,2 тони кафе од Бразил

Најмалку 10 жртви во пожарот во болницата Бадим во Рио

Ана Ололовска