Дарко Костовски, тренерот на македонскиот теквондист Дејан Георгиевски, му го честиташе на својот ученик освоениот сребрен медал на Игрите во Токио, оценувајќи го како најголем спортски успех од независноста на македонската држава.
– Го имаме најголемиот историски успех откако нашата Македонија е независна. Браво лаву, браво јунак, ти си новата спортска македонска икона и идолот на новите генерации, објави Костовски на социјалните мрежи непосредно по финалната борба.
Георгиевски попладнево стана првиот македонски олимпиец кој освои медал на Игрите во Токио, откако се пласира во финалето во категоријата над 80 килограми, во кои загуби од Русинот Владислав Карин со 15:9.
На патот до финалето, македонскиот таеквондист ги совлада актуелниот светски првак Алба Кастиљо од Куба, Сејду Гбане од Брегот Слонова коска и Јужнокoреецот Ин Дон.
Сребрениот медал на Георгиевски е второ олимписко одличје за македонскиот спорт воопшто, по бронзата на борачот Мохамед Ибрагимов на Игрите во Сиднеј во 2000-та година.