Сколс го пофали Тен Хаг за одлуката Мегваер да биде резерва

Од:

Поранешниот играч на Манчестер јунајтед, Пол Сколс верува дека тренерот Ерик Тех Хаг ја направил вистинската работа со капитенот Хари Мегваер. По двата последователни порази на стартот од Премиер лигата, Холанѓанецот реши да го пресели капитенот на клупата, потоа Јунајтед започна да победува.

Тимот од „Олд Трафорд“, победи на четири од следните пет натпревари, а Мегваер продолжи со лошите партии, но во дресот на репрезентацијата на Англија.

Селекторот на Англија Герет Саутгејт и покрај грешките што ги направи против Германија, смета дека Мегваер е „еден од најдобрите играчи во Англија“. Сколс има поинакво мислење.

„Охрабрен сум од она што го видов од Тен Хаг досега. Многу работи смени по поразот од Брентфорд. Едноставно кажа, нема повеќе да играме од првата линија. Дајте им ја топката напред на најдобрите играчи. Го стави во центарот Кристијан Ериксен кој знае да дели топки. Мораше да го остави надвор од тимот Хари Мегваер. Тоа е храбра одлука, тој е храбар менаџер“, изјави Сколс.

Јунајтед има пеколен распоред во октомври.

„Црвените ѓаволи“ ќе одиграат девет натпревари за 28 дена, а првиот голем тест е во недела кога во градското дерби му гостуваат на Манчестер сити.

Извор: Топспорт

Би можело да ве интересира

Мегваер ќе го пропушти натпреварот на својот тим против Ливерпул

Манчестер Јунајтед оствари рекорден приход во Премиер лигата

Санчо заминува од Манчестер

Предраг Петровиќ

Британски „Сан“: Манчестер Јунајтед во октомври официјално добива нов сопственик

Манчестер Јунајтед го продаде Еланга

Предраг Петровиќ

Манчестер јунајтед бара 60 милиони евра за Мегваер