Шишковски: Подготвени сме за дуели со силните Австријци

Од:

Голманот на македонската фудбалска репрезентација Дамјан Шишковски очекува тежок натпревар в недела против Австрија во 1. коло од Ц-групата на Европското првенство.

– Австрија е силна репрезентација со корпулентни фудбалери. Негуваат германски фудбал. Најголем дел од нив играат во германскиот шампионат. Ќе бидат опасни на прекини. Затоа мора да сме подготвени на силни дуели. За да немаме проблеми ќе треба да освоиме голем дел од дуелите. Ние одработивме добри подготовки. Атмосферата во тимот е одлична. Сите што ќе излезат на теренот в недела ќе дадат максимум, последен атом од нашите сили за добар резултат, а за мене добар резултат е победа, истакна Шишковски.

Според него, од поразите од Австрија во минатото, треба да се научени грешките.

– Овој меч ќе биде различен од квалификациските средби. Почнуваме од нула. Ќе излеземе на теренот мотивирани да покажеме дека сме подобри од нив. Се надевам дека ќе го имаме најсреќниот ден на репрезентацијата, истакна Шишковски.

Натпреварот в недела (13 јуни) ќе се игра на „Национална арена Букурешт“ со почеток во 18 часот.

Би можело да ве интересира

Саутгејт го разбира значењето на мечот со Шкотска

Ана Ололовска

ЕВРО 2020: Бускетс доби негативен тест на коронавирус и ќе се приклучи на шпанската репрезентација

Ана Ололовска

Финалето на ЕВРО 2020 може да се премести од Лондон во Будимпешта

Ана Ололовска

Холандија ја совлада Австрија, стана третата репрезентација што се пласира во осминафиналето

Жарко Настоски

Сејдини ги пофали фудбалерите: Покажаа желба за победа

Жарко Настоски

Нашите по поразот од Украина: Во вториот дел се покажа вистинската Македонија, можевме барем до бод

Жарко Настоски