Шифрин го освои спустот во Банско

Од:

Големата скијачка везда Михаела Шифрин ја демонстрираше својата класа и убедливо го освои спустот во Банско. 24-годишната Американка, која генерално е специјалист за технички дисциплини, беше многу брза на патеката Алберто Томба на „Бандеришка полјана“, завршувајќи за 1,29,79 секунди.

Второто место и припадна на италијанската скијачка Федерика Брињоне, која остана на 18 стотинки, а Џоана Хехлен од Швајцарија (+0,23) заврши на трета позиција и се искачи на почесниот подиум. Многу од големите имиња во женското скијање – Петра Влхова, Ана Феит, Естер Ледецка, Тина Вајратер, како и специјалистката за спуст Софија Гоџа, не успеаја да ја завршат трката.

Откажаната трка од Светскиот куп во Вал Д’Изер на 22 декември се одржа денес во Банско, а уште две трки со најдобрите скијачки на светот – спуст (во сабота) и Супер-Г (во недела) треба да се одржат викендов.

По денешниот успех, Шифрин сега има 280 поени на врвот на пласманот на Светскиот куп, со тоа што Американката се искачи и до второто место во спуст 206 поени, 37 зад лидерката Корине Зутер, која денес заврши на 14-тото место.

Би можело да ве интересира

Браатен шокира со одлуката да го напушти скијањето, легендата му нуди брак за да му ја спаси кариерата

Предраг Петровиќ

Скијањето станува загрозен спорт

Предраг Петровиќ

Откажан стартот на скијачката сезона

Шифрин го собори рекордот на Стенмарк за победи во една дисциплина

Ана Ололовска

Влхова победи на слаломот во Крањска Гора

Ана Ололовска

Кобајаши победник на вториот натпревар од турнејата „Четири скокалници“

Катерина Ѓуровски