Сопствениците на Ливерпул од „Фенвеј спорт груп“ ја негираа веста дека биле подготвени да го продадат клубот.
Според „Њујорк пост“, претседателот Џон Хенри е подготвен да направи договор вреден 2 милијарди долари и тајно чекал понуди. Сепак, ова беше демантирано од портпаролот на тимот од Мерсисајд.
– Во име на сопствениците ги дефинирам овие информации како неоправдани шпекулации. И уште еднаш ќе повторам: овој клуб не се продава, изјави портпаролот на клубот за „Ливерпул Ехо“.
„Фенвеј спорт груп“ е во сопственост на популарниот англиски клуб од октомври 2010 година.