Се одржа натпреварот „Предизвикот на Шара“

Од:

Заврши второто издание на спортско-рекреативната манифестација „Предизвикот на Шар Планина“ (Sharra Challenge), за најбрзо искачување од Тетово до Попова Шапка.

Во категоријата планинско трчање, во женска конкуренција победи Билјана Кираџиева, додека второ и трето место освоија Весна Кираџиева и Валентина Узунова. Во машка конкуренција победник е Стојче Петровски, додека Денис Богоевски и Бојан Сапунов се пласираа на втората и третата позиција.

Игор Трпковски е најбрзиот во планински велосипедизам, а го следат Стефан Узунов и Перица Стаменковски. Во натпреварот во друмски велосипедизам првото место го освои Тефик Салахи. Втор беше Кирил Марковски, додека трет Драган Николчевиќ.

Сите учесници тргнале од тетовскиот градски плоштад во 9 часот. Патеката за планинско трчање беше долга 10 километри Тетово – Гајре – Лисец – Попова Шапка, по планински патеки. За друмски велосипедизам патеката беше долга 20 километри, односно од плоштадот по асфалтираниот пат до Попова Шапка. Патеката во планински велосипедизам исто ја поминуваа во должина од 20 километри, но движењето беше во правец Тетово – Бањиче – Шипковица – Лисец – Попова Шапка.

Во секоја од трките во трчање, планински и друмски велосипедизам, во машка и женска конкуренција, наградите се: прво место златен медал и 5.000 денари, второ место сребрен медал и 3.000 денари, и за трето место бронзен медал и 2.000 денари.

Би можело да ве интересира

Паравелосипедист без две раце освои светска титула, му подарија рачен часовник

Историски успех за македонскиот велосипедизам: Елена Петрова освои подиум во Хрватска и обезбеди пласман на Светското Gran Fondo првенство

Ана Ололовска

Четиринаесет здруженија на велосипедисти основаа Сојуз на велосипедски здруженија на Македонија во Неготино

Ана Ололовска

Евенепел ја освои Вуелта Еспања

Горан Наумовски

Руски велосипедист ќе настапува под француско знаме: Одамна сакав да го сторам ова

А1он

Државно првенство во планинско трчање на Пелистер

А1он