Тренерот на Наполи, Маурицио Сари изјави дека неговите фудбалери вечерва ќе имаат дуел со најдобрата европска екипа.
Италијанскиот тим му гостува на Манчестер Сити во дербито од Ф-групата на Лигата на шампионите.
Сити се наоѓа на врвот на табелата во Премиер лигата, додека Наполи е лидер во Серија А.
– Ќе ни биде исклучително тешко. Сити последниот период на своите ривали има дава по најмалку пет гола. Покрај ефикасниот напад, играат и цврсто во одбраната. Често играат пресинг и тоа го прават со многу играчи. Јасно е дека имаат најдобар тим во Европа, рече тренерот на Наполи.
Сари додаде дека неговата екипа за да напредува треба да игра вакви дуели со силни противници.
Средбата Манчестер Сити – Наполи се игра вечер од 20:45 часот.