Сари и официјално тренер на Јувентус

Од:

Тоа што деновите го објавија сите спортски медиуми денеска го потврди клубот од Торино кој соопшти официјално дека Маурицио Сари е новиот тренер на Јувентус.

– Новиот тренер на Јувентус досега во неговата кариера предводел 19 клубови. Со Емполи влезе во Серија А, потоа со Наполи од 2015 до 2018 освојуваше по 82, 86 и 89 бодови по првенство, за потоа да го предводи Челзи, со кого го освои својот прв трофеј во кариерата – Лига Европа. А сега неговата авантура почнува во Торино. Добро дојде во Јувентус, се истакнува во официјалното соопштение на италијанскиот шампион.

Договорот на Сари со Старата дама ќе трае три години односно истекува на 30 јуни 2022 година, а неговите цели се да ги освои домашното првентство и Купот, како и да го донесе трофејот на европската Лига на шампиони во Торино, на кого Јуве чека веќе 23 години.

Сари е познат по офанзивниот и атрактивен фудбал, а досега водел 810 натпревари во кои постигнал 374 победи, 237 нерешени и 199 порази, што покажува 46,2 отсто успешност на овој италијански стратег.

Би можело да ве интересира

Италија во Скопје со нов селектор, Манчини си поднесе оставка

ВИДЕО: Пожар во Истанбул пред финалето на Лигата на шампионите, густ чад над стадионот

Ана Ололовска

(ВИДЕО) Навивачите на Интер направија хаос: Упаднаа во хотелот кај фудбалерите и направија луда атмосфера

Ана Ололовска

(ВИДЕО) Легендата во солзи на теренот: Дали е ова крајот на една од најголемите кариери?

Ана Ололовска

Осимен ги врати Наполи во трката за скудетото

Ана Ололовска

Каљари ја продолжи кризата на Аталанта и излезе од зоната за испаѓање

Ана Ололовска