Во еден од трите ноќешни натпревари со кои беше отворена новата сезона во НБА лигата, екипата на Сан Антонио на драматичен начин го победи Далас во тексашкото дерби.
Актуелниот шампион до победата беше предводен од Тони Паркер кој уфрли 23 поени меѓу кои и шутот за победа. Се истакнаа и Ману Џинобиле со 20 поени и шест асистенции, како и Тим Данкан со дабл-дабл ефект 14 поени и 13 скокови.
За Далас одличен натпревар одигра Монте Елис со 26 поени, Дирк Новицки запиша 18 реализации.
Почетокот на сезоната го одбележа и враќањето на Коби Брајант во тимот на Лејкерси, кој со 19 поени беше најефикасен играч кај „езерџиите“, но тоа не беше доволно за поволен резултат на средбата со Хјустон.
Резултати на трите НБА дуели одиграни ноќеска:
Сан Антонио – Далас 101:100,
ЛА Лејкерс – Хјустон 90:108 и
Њу Орлеанс – Орландо 101:84.