Фудбалерот на Ливерпул, Мохамед Салах, е прогласен за фудбалер на годината во Премиер лигата во анкетата во која гласаа околу 400.000 навивачи.
Зад Салах се најдоа членот на европскиот првак Челзи, Мејсон Маунт, тандемот од актуелниот шампион Манчестер сити, Фил Фоден и Рубен Дијаз, играчот на Вест Хем, Микаил Антонио и фудбалерот на Лестер, Јури Тилеманс.
Салах оваа календарска година постигна 32 голови во сите натпреварувања, а ефектот на египетскиот репрезентативец досега сезонава во Премиер лигата и Лигата на шампиони е 17 голови на 18 натпревари.