Напаѓачот на англискиот фудбалски првак Ливерпул, Мохамед Салах донираше кислород и друга медицинска опрема во своето родно село во египетската област Гарбија, помагајќи му на локалното население во лекување на заболени од Ковид-19, во време кога државата се соочува со вториот бран на пандемијата.
-Во хуманитарната организација „Мохамед Салах“ имаме 14 боци со кислород. Тука се за да им помогнат на луѓето од селото Нагриг и околните места. Располагаме, исто така, и со амбуланта што ја изгради Салах и функционира од мај минатата година, изјави раководителот на здружението Хасан Бакр.
Салах, кој и самиот беше заразен со коронавирус во ноември, одржува тесни врски со родното место Нагриг, мало и сиромашно село на околу 130 километри северно од Каиро.
Египетскиот репрезентативец секоја година донира 64.000 долари на хуманитарното здружение кое го носи неговото име.