Екипата на Далас Маверикс објави дека го комплетираше трансферот на Раџон Рондо од Бостон. Во целиот „трејд“ во Бостон од Далас на позицијата плеј ќе се пресели Џамир Нелсон, центарот Брендон Рајт и Џо Краудер и два пика (прва рунда 2015 година и втора рунда 2016 година).
Подолго време се најавуваше овој премин на најдобриот играч на Бостон Рондо, кому договорот му истекува следното лето. Рондо оваа сезона има учинок од 8,3 поени; 10,8 асистенции и 7,5 скокови по натпревар.
Рондо со Бостон во 2008 година ја освои титулата во НБА лигата, а од 2009 до 2013 година е постојан учесник на „Ол стар викендот“. За Бостон тој одигра вкупно 527 натпревари со просек од 11 поени и 8,5 асистенции по натпревар.
Рондо во Далас ќе заработува 12 милиони и 900 илијади долари и ќе биде трет по примањата од стартната петорка.