Оргиналниот Роналдо, во подкастот на Бобо Виери, се присетил на почетоците во дресот на националниот тим. Роналдо на 18-годишна возраст беше член на тимот кој стана светски шампион, но во 1994 година тој не одигра ниту една секунда на Мундијалот во САД. Осум години подоцна, во Јапонија и Кореја, како најдобар стрелец го предводеше Бразил до титулата.
Еден од најдобрите напаѓачи во историјата на фудбалот, во САД им беше резерва на Бебето и Ромарио.
„Тие двајца ми беа инспирација, но Ромарио беше вистински ку…н син. Нас помладите не тераше да му ги чистиме копачките или да му носиме кафе“, рекол Роналдо.
Две години подоцна Роналдо беше најдобра напаѓач во светот и закана за Ромарио.
„Се подготвувавме за натпревар на Копа Америка. Пред еден тренинг Ромарио ми кажа да се подготвам да излеземе од хотелот. Ми порача дека подготвил скала за да го прескокнеме ѕидот од хотелот и дека ќе не чека такси. Во хотелот се вративме во пет сабајле, наредниот ден бев толку уморен што не тренирав добро. Тогаш ми стана јасно дека Ромарио намерно го направи тоа за да влезе на моето место во тимот“.
Роналдо во 1997 и 2002 година е прогласен за најдобар играч во светот.