Најдобриот светски тенисер, Роџер Федерер, во двојка со еден од најбогатите луѓе на светот, Бил Гејтс, учествуваше на хуманитарниот турнир во Сан Хозе во американската сојузна држава Калифорнија.
Тие на теренот се соочија со двојката составена од најдобриот американски тенисер во моментов Џек Сок и новинарката од телевизијата Ен-Би-Си, Савана Гутри.
На хуманитарниот турнир беа собрани 2,5 милиони долари, а средствата се наменети за образование на децата во Африка.
За Федерер и Гејтс ова е вторпат да играат во двојка, а претходно настапија на хуманитарен турнир со иста намена што се одржа во април минатата година во Сиетл.
Веројатно благодарение на ова искуство тандемот Федерер-Гејтс победи на натпреварот.