Колумбискиот репрезентативец Хамес Родригез е неизвесен за настап на понатамошниот тек на фудбалскиот шампионат на Јужна Америка.
Колумбија со победа над домаќинот САД со 2:0 го започна 45-то издание на Копа Америка, а Родригез беше стрелец на вториот гол.
Сепак, фудбалерот на Реал Мадрид кој зад себе имаше лоша сезона во „Кралскиот тим“ во вториот дел незгодно падна на левата рака, по што веднаш побара помош од лекарскиот тим. Не сакајќи да ризикуваат, од стручниот тим решија Родригез да го повлечат од теренот.
Според информациите, Родригез има истегнување на лигаментите на рамото кое е третирано и засега тој поштеден од тренинзите, а ќе бидат извршени и дополнително снимки по кои ќе се знае дали Родригез ќе може да продолжи да игра на Копа Америка.