Манчестер јунајтед се договори за соработка со Ралф Рангник до крајот на тековната сезона. Според новинарот на „Атлетик“, Дејвид Орнштајн на Твитер, страните се договориле за шестмесечен договор. Рангник по истекот на овој период две години ќе биде консултант на клубот.
Се забележува и дека за успешно завршување на трансакцијата потребно е Локомотив Москва да даде дозвола. Во секој случај, германскиот стручњак нема да може да го води тимот на следниот премиерлигашки натпревар против Челзи, бидејќи нема да има време да добие работна дозвола.
Шеесет и тригодишниот Рангник е шеф за спорт и развој во Локомотив. Неговиот договор, кој започна во јули 2021 година, е на три години.
Претходно од функцијата тренер на Манчестер јунајтед беше разрешен Оле Гунар Солскјер. Оваа позиција привремено ја презеде Мајкл Керик.
Манчестер јунајтед има 17 бодови од 12 натпревари и се наоѓа на седмото место во табелата во Премиер лигата.