Со победата над Унгарија ракометарите на Шпанија остануваат во игра за место во полуфиналето на Европското првенство кое се одржува во Полска.
Во натпревар од 2.коло на групата 2, одигран попладнево во Вроцлав, репрезентацијата на Шпанија ја победи Унгарија со 31:29 полувреме 15:15.
Со овој триумф и вкупно шесте освоени бодови, Шпанците се израмнија со Данска и Германија на првите три места на табелата, со тоа што Данците вечерва со победа над Шведска широко ги отвораат портите за место во полуфиналето.
Во последното коло кое ќе се игра утре, Шпанија за противник ќе ја има Русија, Шведска ќе игра против Унгарија, а дербито ќе биде меѓу Германија и Данска.
Табела: Данска 6 бодови, Германија 6, Шпанија 6, Русија 3, Шведска 0 и Унгарија 0.