Комплетирана е осминафиналната фаза во Лигата на шампионите и познати се четвртфиналистите. По шести пат во историјата на елитното фудбалско натпреварување и првпат од сезоната 2015/16, италијанските тимови не се пласираа во четвртфиналето на турнирот.
Аталанта загуби од Реал Мадрид, Лацио загуби од Баерн Минхен, додека Јувентус не успеа да го мине Порто.
Минатата сезона тимот од Бергамо се пласираше во четвртфиналето.
Во Лигата на шампиони, пласман меѓу осумте најдобри изборија: премиерлигашите Челзи, Манчестер Сити и Ливерпул со што Англија има најмногу претставници во оваа фаза; Баерн Минхен и Борусија Дортмунд од Германија; Реал Мадрид (Шпанија), ПСЖ (Франција) и Порто (Португалија).