Прва победа за Рома сезонава, деби гол за Микитаријан

Од:

Рома забележа удобна победа од 4:2 над Сасуоло во третото коло од Серија „А“. „Волците“ го растргнаа својот противник по нешто повеќе од половина час игра, кога веќе реализираа четири гола и практично го затворија натпреварот.

Брајан Кристанте го отвори резултатот во 12-тата минута, а седум минути подоцна Един Џеко удвои. Во 22-та, Хенрих Микитаријан го постигна својот деби гол за 3-0, а 11 минути подоцна Џастин Клајверт стави точка на дуелот.

Резултатот премногу ја опушти домашната екипа која прими два гола во второто полувреме. Доменико Берарди беше прецизен за Сасуоло, постигнувајќи во 53-тата и 72-та минута од дуелот, со што го спречи голманот Пау Лопез да ја запише првата сува мрежа.

На тој начин Римјаните ја остварија својата прва победа во новата сезона, откако во првите две кола забележаа две реми против екипите на Џенова и Лацио.

Што се однесува до Сасуоло, екипата дозволи втор пораз во сезоната, откако во последното коло забележа победа од 4:1 над Сампдорија.

Резултати од Серија „А“:

Џенова – Аталанта 1:2
Бреша – Болоња 3:4
Парма – Каљари 1:3
СПАЛ – Лацио 2:1
Рома – Сасуоло 4:2

Во моментов играат Верона и Милан во последниот дуел за денешната програма.

Би можело да ве интересира

Американска компанија сака да ја купи Рома

Ана Ололовска

Лацио е подготвен да го продаде Милинковиќ-Савиќ

Ана Ололовска

Ибрахимовиќ очекува да се опорави за натпреварот со Јувентус

Ана Ололовска

Интер бара за Лаутаро 90 милиони евра и играч, последната понуда на Барса е 60 ​​милиони плус Видал и Семедо

Ана Ололовска

Претседателот на Фудбалската федерација на Италија се надева дека навивачите ќе се вратат на стадионите во јули

Ана Ололовска

Интер сака да го продолжи изнајмувањето на Санчез до крајот на сезоната

Ана Ололовска