Пред 28 години на денешен ден се случи нападот што засекогаш го смени светот на тенисот, кога тогашната југословенска тенисерка Моника Селеш беше прободена со нож на 19-годишна возраст од навивач на нејзината голема конкурентка, Германката Штефи Граф.
Инцидентот се случи на 30 април 1993 година за време на четвртфиналниот дуел меѓу Селеш и Магдалена Малеева, кога 39-годишниот Германец Гинтер Пархе скокна од трибините со нож ја Селеш од трибините на турнирот во Хамбург.
Нападот, кој наводно бил мотивиран од симпатиите на Пархе кон Штефи Граф – најголемата ривалка на Селеш, се случи во време кога тенисерката родена во Нови Сад беше на првото место на ВТА листата и имаше вкупно осум освоени грен-слем титули.
Рехабилитацијата траеше две недели, но на Селеш ѝ требаа цели две години за да закрепне од психичките трауми и да се врати на терените. Инцидентот, остави силни последици врз Селеш, која до крајот на кариерата освои уште само една грен-слем титула, триумфирајќи на Австралија опен во 1996 година.
Нејзиниот напаѓач, на кој му беше дијагностицирано психичко нарушување, не беше казнет со затвор, туку му беше одредено двегодишно задолжително лекување.