Познати сите финалисти за новиот формат на „Дејвис купот“

Од:

По одигрувањето на квалификациите, станаа јасни сите тимови кои ќе учествуваат во завршницата на новиот формат на „Дејвис купот“.

Австралија, Белгија, Канада, Чиле, Колумбија, Германија, Италија, Јапонија, Казахстан, Холандија, Русија и Србија запишаа победи во директните елиминации и ќе се борат за трофејот во завршницата, што ќе се одржи во Мадрид меѓу 18 и 24 ноември.

12-те земји се приклучуваат на минатогодишните полуфиналисти Хрватска, Франција, Шпанија и САД, како и двата тима, кои добија вајлд карта – Аргентина и Велика Британија.

Меѓу најспорните натпревари во квалификациите беа оние меѓу Србија и Казахстан, каде Филип Краиновиќ го освои одлучувачкиот петти натпревар против Санџар Фазиев, Канада и Словачка, каде победите на Денис Шаповалов и Филикс Оже-Алиасаме донесоа пресврт од 1-2 до 3-2 за тимот од Северна Америка и азискиот судир меѓу Јапонија и Кина, решен од победа на Таро Даниел во решавачкиот натпревар.

Осумнаесетте финалисти ќе бидат распределени во шест групи по три екипи, а за четвртфиналето ќе се квалификуваат победниците во одделните групи и двата најдобри тима кои завршиле на второто место.

Би можело да ве интересира

Мареј се враќа на своето старо ниво

Ана Ололовска

Чилиќ го запиша своето име во историјата на тенисот

Ана Ололовска

Федерер ќе игра на Олимписките игри следната година

(ВИДЕО) Зверев до Медведев: Ти си најдобриот тенисер оваа година

Медведев ја продолжи својата импресивна серија со титулата во Шангај

Зверев првпат годинава совлада тенисер од Топ 10