На Европското првенство во ракомет денеска на програмата се дуелите од 3.коло во двете групи, по кои ќе бидат познати и полуфиналистите како и конечниот пласман на селекциите кои ќе се пласираат од 9-12.место.
Македонија во рамките на групата 1 од 16 часот игра против селекцијата на Белорусија со цел да ја постигне првата победа на шампионатот.
Во групата 1 во Краков каде игра Македонија од 18:15 часот е првиот дуел за полуфинале каде играат европскиот првак Франција и Норвешка.
На Франција и е потребна победа за полуфинале, додека на Норвешка и одговара и нерешено.
Во Вечерниот термин играат селекциите на Полска и Хрватска. Полска со победа ќе биде полуфиналист, додека Хрватска има само теоретски шанси.
Во групата 2 што се игра во Вроцлав најблиску до полуфиналето е Данска, која игра со Германија и со нерешено е во полуфиналето. Шпанија за противник ја има Русија, додека Шведска игра против Унгарија.
Табела група 1: Норвешка 7 бодови, Франција 6, Полска 6, Хрватска 4, Македонија 1, Белорусија 0.
Табела група 2: Данска 7 бодови, Германија 6, Шпанија 6, Русија 3, Шведска 2, Унгарија 0.
Распоред на натпревари:
Група 1: Македонија – Белорусија, Франција – Норвешка, Полска – Хрватска.
Група 2: Шведска – Унгарија, Германија – Данска, Шпанија – Русија.