Екипите на Чикаго и Сакраменто постигнаа победи на двата ноќешни натпревара одиграни во НБА лигата.
Чикаго на домашен терен го победи Денвер со 106:101. Вториот дел „биковите“ го добија со 64:48. Најефикасен беше Џими Батлер со 26 поени, Пау Гасол постигна 17 поени со по девет скокови и блокади, додека Дерик Роуз 13 од своите 17 поени ги постигна во последната четвртина.
Сакраменто на гости ја победи Минесота со 110:107, а најефикасен кај победникот беше Руди Геј со 21 поен.
Вечерва се играат 11 натпревари, а двојките се: Шарлот – Кливленд, Орландо – Бруклин, Бостон – Далас, Њујорк – Детроит, Њу Орлеанс – Хјустон, Оклахома Сити – Вашингтон, Милвоки – Индијана, Феникс – Филаделфија, Јута – Атланта, Голден Стејт – Торонто и ЛА Лејкерс – Мемфис.
Пласман Источна конфренција: Торонто 24-8 (победи-порази), Атланта 23-8, Вашингтон 22-9, Чикаго 23-10, Кливленд 18-14, Милвоки 17-16,…
Пласман Западна конференција: Голден Стејт 25-5, Портланд 26-7, Мемфис 23-8, Хјустон 22-9, Далас 23-10, ЛА Клиперс 22-11, Сан Антонио 20-14…