Македонска тенисерка Лина Ѓорческа, која е рангирана како трета носителка на фјучрсот во Валенсија со награден фонд од 25.000 долари, успеа да оствари победа во 1. коло.
Таа ја совлада Башак Ерајдин од Турција со 2-0 во сетови (6:2 и 7:5 во гемови) за 88 минути игра.
Во следното коло Ѓорческа ќе игра против победничката од мечот што е во тек меѓу Јасмине Паолини (Италија) и Паула Ариа Манјон (Шпанија).
Во конкуренција на двојки Ѓорческа заедно со Галина Воскобоева од Казахстан како први носителки во првото коло најверојатно утре ќе играат против Олга Саез Лара (Шпанија) и Мелани Стоке (Норвешка).
Инаку, на ВТА листата Ѓорческа има пад за едно место во поединечна конкуренција и со 264 поени се наоѓа на 206 место, додека во конкуренција на двојки има скок од едно место и со 504 поени е на 136 место.