Победа и мал Кристален глобус во супер-џи за Парис

Од:

Италијанецот Доминик Парис ја освои денешната трка во супер-џи во Солдеу, Андора, дел од Светскиот куп во ски-алпски дисциплини, откако вчера триумфираше во спуст. Резултатот на Парис, кој стартуваше со број 7, е 1: 20,42 минути.

Тој ги остави зад себе Мауро Кавизел од Швајцарија, кој остана на 0,15 секунди зад него, а трети се нареди Винсент Крихмаер од Австрија, на 0,44 од првото место.

Со денешната победа Парис, кој е Светски шампион во дисциплината, го освои и малиот Кристален глобус, откако има три освоени трки и две трети места. Италијанецот по денешниот успех собра 430 бода, а по него е Крихмаер (Австрија) со 346 поени.

И додека Микаела Шифрин не престанува да прибира трофеи и признанија, тогаш за Парис, макар и Светски шампион во дисциплината, немаше ниту голем, ниту мал Кристален глобус до денес.

Нападот на Норвежаните денеска се покажа неуспешен и најдобро претставување беше она на Кетил Јансруд кој за малку не се качи на подиумот, завршувајќи на 4-то место. Топ 6 ги дополнуваат Кристоф Инерхофер (Италија) и Матијас Мајер (Австрија).

Во рангирањето за Светскиот куп, Парис е на 4-то место со 950 поени, а шампионот за оваа сезона – Марсел Хиршер (Австрија) денес не учествуваше и води со 1.508. Втор е Алекси Пинтуро со 999 поени, откако денес заврши на 16-то место, а трет е Хенрик Кристоферсен (Норвешка) со 988.

Пласман во супер-џи трката во Солдеу (мажи):

1. Доминик Парис (Италија) 1: 20.42 минути
2. Мауро Кавизел (Швајцарија) 1: 20.57
3. Винсент Крихмаер (Австрија) 1: 20.86
4. Кетил Јансруд (Норвешка) 1: 21.00
5. Кристоф Иннерхофер (Италија) 1: 21.12
6. Матијас Мајер (Австрија) 1: 21.44

Пласман за малиот Кристален глобус во супер-џи:

1. Доминик Парис (Италија) 430 поени
2. Винсент Крихмаер (Австрија) 346
3. Мауро Кавизел (Швајцарија) 324

Генерален пласман во Светскиот куп:

1. Марсел Хиршер (Австрија) 1508 поени
2. Алекси Пинтуро (Франција) 999
3. Хенрик Кристоферсен (Норвешка) 988
4. Доминик Парис (Италија) 950
5. Винсент Крихмаер (Австрија) 739
6. Беат Фојц (Швајцарија) 722.

Би можело да ве интересира

Браатен шокира со одлуката да го напушти скијањето, легендата му нуди брак за да му ја спаси кариерата

Предраг Петровиќ

Скијањето станува загрозен спорт

Предраг Петровиќ

Откажан стартот на скијачката сезона

Шифрин го собори рекордот на Стенмарк за победи во една дисциплина

Ана Ололовска

Влхова победи на слаломот во Крањска Гора

Ана Ололовска

Кобајаши победник на вториот натпревар од турнејата „Четири скокалници“

Катерина Ѓуровски