Планинарите од Љуботен на традиционално искачување на Попова Шапка

Од:

Членовите на планинарскиот клуб „Љуботен“ од Тетово во текот на вчерашниот ден 26 април го изведоа традиционалното искачување од градот со почетна позиција од 470 метри надморска височина до месноста „Антени“ на 2.550 метри на Попова Шапка. Висинска разлика од 2080 метри ја поминале за 3:30 часа.

dobivaj vesti na viber

-Велики Петок кај Љуботенци е резервиран за традиционално искачување до Антени што претставува вистински предизвик за сите планинари. Тргнавме од 7:00 часот од пред Жичарата во Тетово, а групата ја водеше Дарко Спироски. За разлика од минатата година каде времето беше врнежливо, оваа година имавме одлично сончево и топло време.

Генерално се движевме покрај столбовите од жичарата која за жал веќе подолго време не е во функција. Поминавме покрај шарпланинските села Гајре и Лисец така што по 3,5 часовно пешачење стигнавме на Попова Шапка. Од тука оние кои се чуствуваа поспремни тргнаа во правец на врвот Церипашина каде им се приклучија уште двајца членови кои со возила беа пристигнати на Шапка, информираат од планинарскиот клуб Љуботен.

По завршеното искачување учесниците одморија во планинарскиот дом „Љуботен“ на Попова Шапка. По ручек и неколку часа одмор, сите учесници исто така пеш се вратија кон Тетово околу 19:30 часот. Во текот на мај ПК Љуботен го организира најмасовното искачување на Титов Врв на 2.747 метри надморска височина.

Би можело да ве интересира

Пронајдени и спасени двајца планинари на Шар Планина

Катерина Павлова-Николовска

Врвот Голема Вртешка дел од маршрутата на ПСК „Голак“ Делчево

Ана Ололовска

Да се допрат снеговите на Килиманџаро

Ана Ололовска

Стотина Планинари денес се искачија на Царев Врв на Осоговските Планини

Ана Ололовска

Младиот планинар Ване Бошев од Неготино по втор пат го искачи врвот Мали Томор во Албанија, во услови на невреме

Ана Ололовска

Планинска тура на Шар Планина под мотото „Испоти се во природа“

Ана Ололовска