„Пирова“ победа на македонските кошаркари над Естонија во евроквалификациите

Од:

Македонската кошаркарска репрезентација остана без учество на Европското првенство, и покрај победата над Естонија попладнево во Перм од 86:84, што беше недоволна во пресметката со директниот конкурент за пласман на завршницата.

На македонските кошаркари им беше неопходна победа од најмалку девет поени разлика, а задачата уште повеќе им се усложни по првото полувреме, кое Естонците го добија со плус 11 поени разлика (49:38).

Македонскиот напад не функционираше во првите две четвртини, во кои избраниците на Александар Тодоров имаа дури 12 загубени топки и само три реализирани тројки од 14 обиди.

Со агресивна одбрана на стартот на третата третина и серија од 12:0, од кои девет поени постигна Џејкоб Вајли, нашите кошаркари се приближија на 54:50, но уследија две „среќни“ тројки на спротивната страна, со кои Естонија ја врати предноста од десет поени.

Македонските кошаркари не се откажаа во ниту еден момент и упорноста им донесе водство од 81:80 на 1,44 секунди до крајот на натпреварот, но немаа сили за подвиг.

Најефикасни во македонските редови беше Ненад Димитријевиќ со 23 поени, додека Вајли постигна 18 кошеви, додавајќи и 14 скокови.

Македонските кошаркари во евроквалификациите забележаа по една победа и пораз против Италија и Естонија, и два порази од Русија.

Пласман на Евробаскетот, покрај домаќините Италија, Германија, Грузија и Чешка, обезбедија досега уште Хрватска, Грција, БиХ, Израел, Шпанија, Словенија, Украина, Русија, Србија, Финска, Полска, Унгарија, Белгија, Холандија, Турција, Бугарија, Франција, Естонија и Велика Британија.

Би можело да ве интересира

Утре стартува јубилејната 30 македонска кошаркарска сезона

А1он

Турскиот моден бренд „Кигили“ нов спонзор на македонските кошаркари

А1он

Прва победа за македонската репрезентација во претквалификациите за Мундобаскет 2023

Николов: Поддршката од публиката ќе ни значи многу

Тодоров разочаран: „Само ние со две победи останавме без ЕП“

Жарко Настоски

Македонските кошаркари поразени на стартот на евроквалификациите во Перм

Жарко Настоски