Еден од најголемите светски тениски турнири, Отвореното првенство на САД или УС Опен, е планирано да се одржи на крајот на август под посебни мерки. Сепак, многу тенисери сè уште се несигурни за состојбата во Њујорк со пандемијата. Еден од оние што е против одигрување е францускиот тенисер Беноа Пер, кој смета дека сегашната состојба во САД е премногу напната за да се игра.
– Пред еден месец би рекол дека ситуацијата се подобруваше, кафулињата почнаа повторно да се отвораат, како и рестораните, а сега е катастрофа. Постојат ризици ако одам во САД. Дури и ако одиме таму, тоа ќе биде коцкање, има многу случаи на местото – вели 31. тенисер во светот за францускиот „РМЦ“.
Тоа е многу комплицирано, рече Пер.
– Да се оди таму значи да ризикувате да се заразите. Сакам да играм тенис и да патувам, тоа е нашето секојдневие, но ако ризикуваме да заминеме во САД, додека го почитуваме карантинот, се чини комплицирано. Ако играме на УС Опен, треба да ги жртвуваме Мадрид и Рим за сето тоа. Мора да најдете летови за да стигнете таму, смета Французинот.
На крајот, тој најави дека може да го пропушти Гренд слем турнирот во Њујорк.
– И покрај тоа што постои финансиско ограничување заради прекин на сезоната и потребата за игра, во овој момент претпочитам да не играм. Сакам да останам жив и со добра здравствена состојба – заврши Французинот.
УС Опен е планиран за периодот од 31 август до 13 септември.