Еден од најдобрите светски фудбалери на сите времиња, легендарниот Бразилец Пеле смета дека неговиот сонародник Нејмар во блиска иднина ќе биде подобар од Лионел Меси и од Кристијано Роналдо кои важат за најдобрите два играчи во моментов.
– Луѓето сакаат да прават споредби со Меси, но тој зад себе има долгогодишно искуство. Такви споредби се прават и со Роналдо, но во иднина Нејмар ќе биде најдобар, изјави Пеле.
Тој оцени дека Нејмар е многу млад и неверојатно талентиран. Пеле верува во освојување на шампионската титула од страна на неговата репрезентација на Мундијалот идната година кој ќе се игра токму во Бразил.
– На Купот на конфедерации се докажа дека Бразил заедно со Шпанија ќе бидат најголемите фаворити за шампионскиот трофеј. Селекторот Луис Сколари состави одличен тим во кој владее извонредна атмосфера, а тоа е еден од главните предуслови за конечен успех, смета Пеле.