Париз: „Алфа Ромео“ од 25 милиони долари подготвен за аукција

Од:

На аукцијата што ќе се одржи во февруари 2019 година во Париз ќе биде понудено и едно од ремек-делата на предвоената италијанска автомобилска индустрија – „Алфа Ромео 8Ц 2900Б Турнинг Берлинета“ од 1939 година, за која се проценува дека ќе достигне цена од дури 25 милиони долари.

Во добата кога на сцена се уште не стапиле производителите како „Ферари“ и „Ламборџини“, „Алфа Ромео“ бил синоним за елегантни и високоперформансни италијански автомобили кои будат страст за возење и од кои застанува здивот.

Тој модел, оргинално дизајниран со идеја да учествува во автомобилски трки, бил базиран на шасија „Алфа Ромео 8Ц 35 Гранд при“.

Се наведува дека производната верзија користела за погон редовен осмоцилиндричен 2,9-литарски мотор опремен со два компресори.

Верзјата 2900Б, за која станува збор, претрпела одредени промени во однос на оргиналната 2900, со цел автомобилот да биде покомфорен и посигурен, но и понатаму имала завидни перформанси на патот, со многу впечатлива надворешност.

Примерокот што ќе се најде на аукцијата е еден од само петте направени во таа конфигурација, во соработка со италијанскиот производител на каросерии, фирмата „Турнинг“.

Би можело да ве интересира

911 фамилијата му посакува „Добредојде“ на новиот член на осмата генерација

Ана Ололовска

Голем пад на продажбата на автомобили во светот

Ана Ололовска

Нисан отпушта над 10.000 работници

Ана Ололовска

Пад на акциите на Астон Мартин

Ана Ололовска

Еден од првите модели на патики „Најк” продаден за речиси 440.000 долари

Ана Ололовска

Крај на Мекларен 600ЛТ