Олимпијадата без странски навивачи ќе ја чини Јапонија 1,37 милијарди долари

Од:

Јапонската економија ќе претрпи загуби од 150 милијарди јени, или, 1.37 милијарди долари поради одлуката Олимписките и Параолимписките ирги во Токио да се одржат без навивачи од странство, пресметаа економистите од Институтот „Номура“.

Нивните пресметки се темелат врз анализа на домашниот пазар и нивото на потрошувачка на странските туристи пред почетокот на пандемијата на коронавирус.

Најпогодени од забраната ќе бидат хотелите и рестораните, а можни се и дополнителни економски штети доколку организаторите на Олимписките игри (ОИ) одлучат да го ограничат бројот на јапонски гледачи на олимписките арени.

Поради дополнителните трошоци поврзани до ланското одложување на Игрите и мерките за заштита од коронавирус, буџетот за одржување на Олимписките и Параолимписките игри во Токио порасна и сега изнесува рекордни 15.9 милијарди долари.

Во саботата, Организацискиот одбор на Игрите во Токио во договор со Меѓународниот олимписки комитет и Меѓународниот параолимписки комитет одлучи двете олимписки манифестации да бидат одржани без присуство на публика од странство. Парите за билетите што веќе им се продадени на странски државјани ќе бидат рефундирани.

Би можело да ве интересира

Македонија го доби вториот олимпиец, таеквондистот Георгиевски обезбеди норма за Токио

Катерина Павлова-Николовска

Јапонија ја продолжи вонредната состојба до крајот на мај

Ана Ололовска

ВИДЕО: Силен земјотрес го погоди северниот дел на Јапонија

Ана Ололовска

Извршниот директор на Тошиба поднесе оставка

Ана Ололовска

Јапонија забрани најголемата нуклеарна централа во земјата да продолжи со работа

Ана Ололовска

Македонскиот амбасадор во Тирана преговара кочанскиот ориз да се нуди во јапонски ресторани низ Европа

Жарко Настоски