Со враќањето на Кевин Дјурант и на Расел Вестбрук во тимот на Оклахома Сити, се вратија и победите. Ноќеска Оклахома Сити го победи Кливленд со 103:94, а решавачка беше третата четвртина која ја добија домашните со 31:19.
Во редовите на гостите поради поверда не играше Леброн Џејмс. Вестбрук постигна 26 поени, а Дјурант 19 за Оклахома Сити, додека кај Кливленд најефикасен беше Кајри Ирвинг со 20 поени.
На вториот натпревар одигра ноќеска Хјустон како гостин го победи Сакраменто со 113:109 по продолжение, а Џејмс Харден за Хјустон постигна 44 поени, од кои 10 во продолжението.
Вечерва се играат 12 натпревари: Чикаго – Портланд, Вашингтон – ЛА Клиперс, Атланта – Орландо, Бостон – Њујорк, Бруклин – Филаделфија, Торонто – Индијана, Мемфис – Шарлот, Минесота – Оклахома Сити, Њу Орлеанс – Кливленд, Феникс – Детроит, Јута – Мајами и Сан Антонио – ЛА Лејкерс.
Пласман Источна конференција: Торонто 16-6 (победи-порази), Атланта 15-6, Вашингтон 15-6, Кливленд 13-8, Чикаго 13-8,…
Пласман Западна конференција: Голден Стејт 19-2, Мемфис 17-4, Портланд 17-5, Хјустон 17-5, ЛА Клиперс 16-5,…