Нов видео разговор на МОК со кинеската тенисерка Шуаи

Од:

Меѓународниот олимписки комитет (МОК) соопшти дека денеска e реализиран нов видео разговор со кинеската тенисерка Пенг Шуаи.

dobivaj vesti na viber

Без да ги прецизира темите на кои се разговарало, МОК во штурото соопштение посочи дека „ја дели истата загриженост како и многу други луѓе и организации во врска со безбедноста на Шуаи“.

Каде се наоѓа Пенг Шуаи, една од најголемите кинески спортски ѕвезди, се наметна како прашање во меѓународната јавност, откако пред речиси еден месец тенисерката исчезна по објавата дека поранешен висок функционер на Комунистичката партија на Кина ја присилувал на сексуален однос.

Шуаи на 21 ноември одржа видео разговор со претседателот на МОК, Томас Бах, но женското тениско здружение (ВТА) вчера објави дека ги суспендира сите тениски турнири во Кина.

– Не гледам како можам да барам од нашите спортисти да се натпреваруваат таму, кога Пенг Шуаи не смее слободно да комуницира со светот и се чини дека била под притисок да ги негира своите наводи за сексуално злоставување, изјави извршниот директор на ВТА, Стив Сајмон.

Одлуката за суспензија на ВТА турнирите во Кина ја поддржаа бројни тениски ѕвезди, вклучувајќи ги Новак Ѓоковиќ, Мартина Навратилова, Крис Еверт, Енди Родик и многу други.

Би можело да ве интересира

Барти триумфално ја почна тениската година

Ана Ололовска

Осака за амбициите во 2022 година: Никогаш повеќе да не плачам на прес-конференции

Ана Ололовска

Полуфиналистката на Австралија опен, Мухова, ќе го пропушти турнирот во 2022 година

Ана Ололовска

Ема Радукану избрана за спортска личност на годината на „Би-Би-Си“

А1он

Барти и Осака во јануари се враќаат на тениските терени

А1он

ВТА ја избра Барти за тенисерка на годината

А1он