Репрезентациите на Норвешка и Германија обезбедија пласман во полуфиналето на Европското ракометно првенство што се одржува во Полска.
Норвежаните, ги елиминираа актуелните европски шампиони Французите. Во дуел од групата 1, кој директно решаваше за место во полуфиналето селекцијата на Норвешка со 29:24 ја победи Франција го обезбеди првото место, а со тоа и својот пласман во полуфиналето.
Воедно тие им завршија работа и на полските ракометари на кои сега доволен им е и нерешен резултат против Хрватска во дуелот кој ќе се игра од 20 часот и 30 минути. Победа пак на Хрватите би им донел пласман меѓу четирите најдобри.
Од групата 2. Пласман меѓу четирите најдобри обезбеди Германија која во дуелот против Данска славеше победа со 25:23.
Овој резултат и отвора голема можност на Шпанија која важи за фаворит во дуелот со Русија, а со победа „црвената фурија“ ќе заврши како првопласирана пред Германија и Данска. Нерешен резултат како и пораз за Шпанија би значел крај за шансите за медал, односно таквите исходи би ги одвеле Данците во полуфиналето.
Резултати и табели:
1 група: Македонија – Белорусија 29:30, Франција – Норвешка 24:29 и Полска – Хрватска (20.30 часот)
Табела: Норвешка 9 бодови, Полска 6 (-1 натпревар), Франција 6, Хрватска 4 (-1), Белорусија 2 и Македонија 1.
2 група: Шведска – Унгарија 22:14, Германија – Данска 25:23 и Шпанија – Русија (од 20.30 часот)
Табела: Германија 8 бодови, Данска 7, Шпанија 6 (-1 натпревар), Русија 3 (-1), Шведска 2 и Унгарија 0.