Ниту Јокиќ не е доволен – Италијанците ги „нокаутираа“ првите фаворити Србија!

Од:

Во едно од најголемите изненадувања на Евробаскетот, Италија ја елиминираше Србија со 94:86 за пласман во четврт-финалето на континенталниот шампионат, каде што ќе ги чека Франција со Руди Гобер и Еван Фурние.

Иако имаа негатива од 14 поени во втората четвртина, Марко Спису одговори со шест тројки во второто полувреме, за со серија од 16:2 на почетокот на последната четвртина да направат предност од 82:70 и да го доведат мечот до крај. Иако Никола Јокиќ повторно беше одличен, неговиот обид да ја врати Србија во игра беше неуспешен. Тој заврши со 32 поени и 12 скока, но тоа не беше доволно за победа.

Вања Маринковиќ и Никола Јокиќ ја предводеа Србија до одличен 16:7 старт, за да направат предност од 14 поени (38:24) во средината на втората четвртина. Меѓутоа, Симоне Фонтекио и Николо Мели со тројки ги оставија „аѕурите“ во живот за 51:45 негатива на полувреме. Јокиќ имаше 19 поени во првото полувреме, додека Италијанците се расправаа со судиите и имаа 3 технички грешки во првите 15 минути од мечот. Ова продолжи и во второто полувреме, кога тренерот Џанмарко Поцеко беше исклучен, но тоа само ги мотивираше Италијанците, кои одговорија со три тројки во низа за 66:63 водство.

Извор: Топспорт

Би можело да ве интересира

Полјаците ги „спакуваа“ Дончиќ и Словенците!

Фонтекио „трагичар“ на Италија, Французите во полуфинале на Евробаскетот

Црногорците преку Грузија со осминафинален билет на Евробаскет

Литванците со триумф над БиХ се протнаа во осминафиналето на Евробаскет

Заврши Евробаскетот за Адам Ханга

Црногорците лути откако загубија во драма против Турција

Горан Наумовски