Дури 83 проценти од вкупно 66 илјади читатели во анкетата на шпанскиот спортски весник „Марка“ гласале Кејлор Навас да биде прв голман на европскиот шампион Реал Мадрид.
Навивачите на „кралскиот клуб“ огромна предност му дадоа на Костариканецот пред легендата на клубот Икер Касиљас кој цели 15 години е член на Реал.
Навас во преодниот рок пристигна на „Сантијаго Бернабеу“ од Леванте за сума од 10 милиони евра.
Се уште актуелен член на мадриѓани е и третиот голман Диего Лопез кој најави напуштање на Мадрид.