Наполи ги казни парично фудбалерите за бунтот

Од:

Наполи започна да ги казнува своите фудбалери за бунтот, затоа што тие се спротивставија на одлуката на сопственикот Аурелио де Лаурентис да останат на камп во клупската база по натпреварот против Ред Бул Салцбург во Лигата на шампионите.

dobivaj vesti na viber

Една од најсериозните санкции е изречена за бразилскиот играч од средниот ред Алан, кој е казнет со парична казна од 200.000 евра, пренесува „Газета дело Спорт“. Тоа е половина од неговата месечна плата во италијански клуб. Според член 11 од колективниот договор на играчи во Серија „А“, играчите не можат да бидат казнети со казна повеќе од 25% од нивниот месечен надоместок.

„Кориере дело Спорт“, од своја страна, тврди дека казните изречени на фудбалерите на Наполи се изречени пропорционално за прекршување на нивниот договор. Казната на Алан се надополнува со фактот дека тој имал расправија со Еди де Лаурентис, син на сопственикот и потпретседател на клубот од Неапол.

Весникот пренесува дека казните на сите играчи на Наполи се движат од 22.000 до 250.000 евра. Вкупната вредност на казните е 2,5 милиони евра. Списокот со казнети е испратен до играчите и тие сега мораат да ја претстават својата одбрана пред раководството на клубот.

Во исто време, екипата на Карло Анчелоти одигра 1-1 со Милан во саботата, така што нема победа веќе во шест последователни натпревари.

Би можело да ве интересира

Осимен ги врати Наполи во трката за скудетото

Ана Ололовска

Каљари ја продолжи кризата на Аталанта и излезе од зоната за испаѓање

Ана Ололовска

Жиру ги казни тактичките решенија на Инзаги, Милан победи во „Дерби дела Мадонина“

Ана Ололовска

Мурињо: Рома е „мала“ во очите на моќните

Ана Ололовска

Рома не успеа да ја победи Џенова

Ана Ололовска

Навивачите на Јувентус истакнаа транспарент со кој му посакуваат смрт на Ањели

Ана Ололовска