20-кратниот освојувач на Грен слем титули, шпанскиот тениски ас Рафаел Надал, објави дека се откажува од учеството на Вимблдон, како и од настапот на Олимписките игри во Токио, објаснувајќи дека збиениот распоред не му дозволувал на неговото тело да закрепне.
„Здраво на сите, одлучив да не учествувам на годинешниот Вимблдон и на Олимписките игри во Токио,“ напиша Шпанецот меѓу другото во серија објави на Твитер.
Hi all, I have decided not to participate at this year’s Championships at Wimbledon and the Olympic Games in Tokyo. It’s never an easy decision to take but after listening to my body and discuss it with my team I understand that it is the right decision
— Rafa Nadal (@RafaelNadal) June 17, 2021
„Тоа никогаш не е лесна одлука, но откако го послушав моето тело и разговарав со мојот тим, разбирам дека ова е правилната одлука“, напиша Надал.
„Целта а да се продолжи мојата кариера и да продолжам да го правам она што ме радува, а тоа е да се натпреварувам на највисоко ниво и да продолжам да се борам за тие професионални и лични цели на максималното ниво на натпреварување“, вели Надал, кој во моментов е на третото место на АТП-рангирањето, зад Новак Ѓоковиќ и Данил Медведев.