Надал незапирлив во 2022, лесно до мексиканската титула

Од:

Рафаел Надал го продолжи совршениот старт на 2022, победувајќи го Британецот Камерон Нори со 6:4/6:4 во финалето на Мексико опен во Акапулко во својот прв турнир по освојувањето на рекордната 21. гренд слем титула во кариерата на Австралија опен.

На Надал му беа потребни 1 час и 54 минути да го совлада 12-рангираниот Нори четврти пат во четири меѓусебни меча, за да ја освои својата четврта титула во Акапулко по таа во 2005, 2013 и 2020 и вкупно 91. АТП трофеј во кариерата.

„Камерон е многу опасен тенисер, никогаш не е лесно да се игра против него. Имав многу тешки моменти во мечот“, изјави Надал, кој турнирот го освои без загубен сет.

Надал е непоразен од 5 август 2021 кога загуби од Лојд Херис во третото коло на Вашингтон опен, по што стави крај на сезоната поради повреда на стапалото. Иако постоеја шпекулации дека е блиску до пезија, тој се врати во Австралија со победа на Самерсет опен во Мелбурн, по што го освои и Австралија опен.

Би можело да ве интересира

Директорот на Индијан Велс разочаран од потегот на Надал

Предраг Петровиќ

Синер го освои Австралија опен по чудесен пресврт против Медведев

(ВИДЕО) Победа со честитка „Бог се јави“: Ѓоковиќ во три сета го порази Аргентинецот Ечевери

А1он

Ѓоковиќ испиша нова историја во Мелбурн

А1он

Тенисер e суспендиран на 10 години поради местење натпревари

Надал се повлече од Австралија Опен