На Пониква се одржа ридско-брзинска трка од Државниот шампионат во автомобилизам

Од:

На патеката долга 6,4 километри кон планинскиот туристички центар Пониква денеска се возеше ридско-брзинската трка „Кочани 2019“, во рамки на Државниот шампионат во автомобилизам.

На натпреварот, чиј организатор беше АКК „Custom car RT“ од Скопје, во сите четири класи учествуваа 25 возачи од Македонија и гости од Бугарија, а трката ја завршија 18 возила.

Во најниската класа А-1150, во која имаше и најголема конкуренција, најбрз беше Георгиј Наков од АКК „ПСС РТ“ од Скопје, пред Александар Георгиевски од АКК „Стефановски РТ“ и Александар Стојанов од АКК „Пулстарс“.

Во класата N-1400 имаше само двајца натпреварувачи, а трката успешно ја заврши Тоше Темелковски од АКК „Скопје“. Кај возачите од класата Е1-1600 победи Филип Василевски од АКК „Custom car RT“, а зад него се најдоа возачите на АКК „Скопје“, Дејан Стојанов и Златко Трајановски.

Во најсилната класа Е1-2000 првото место му припадна на Димитри Кимовски од АКК „Перформанс“, а зад него се најдоа Давид Малинковски од АКК „Custom car RT“ и Даниел Блажевски од АКК „ПСС РТ“.

Во екипна конкуренција најмногу поени освоија возачите од АКК „Custom car RT“, пред АКК „ПСС РТ“ и АКК „Скопје“. На прогласувањето на најдобрите, награди им беа доделени и на гостите од Бугарија, Диана Стојанова која возеше во класата Е1-2000 и Јасе Николов во Е1-1600, како и на дебитантот од Кочани, Дејан Манасиев.

Организаторите искажаа благодарност за сите кои помогнаа трката да се одржи, при што беше нагласено дека се очекува за првпат годинава, по неколкугодишна пауза, Државниот шампинат во автомобилизам успешно да се реализира. До крајот на сезоната преостануваат уште кружната трка во Кичево и ридско-брзинскиот натпревар на Витачево кај Кавадарци.

Би можело да ве интересира

(ВИДЕО) Страотна несреќа на рели во Унгарија: Најмалку четворица мртви

Катерина Ѓуровски

ВИДЕО: Пијан возач упадна на рели трка во Хрватска, ќе се судреше со натпреварувач

ВИДЕО: Се степаа на рели патека, едвај се спасија пред автомобил кој се движеше со голема брзина

Ана Ололовска

Нова трагедија на рели трките: Двајца Шпанци со возилото се забија во дрво

Горан Наумовски

ВОЗНЕМИРУВАЧКО ВИДЕО: На нелегална улична трка, возач влета во група гледачи и побегна

ВИДЕО: Ги покажа градите на релито – возачот излета од патеката

Предраг Петровиќ