МЗТ Скопје го отпушти Џабари Хиндс – ја потценил македонската кошарка

Од:

Американецот Џабари Хиндс повеќе не е играч на МЗТ Скопје. Управата на клубот се реши на таков потег поради негово, како што е објавено на сајтот на аеродромци, неспортско однесување и омаловажување на клубот и на македонската кошарка во целост.

– Плејмејкерот ја почна добро сезоната, потоа од натпревар во натпревар беше сѐ полош, за последниот период да се однесува онака како што не му доликува на еден професионалец, се вели во соопштението на МЗТ Скопје

Американецот почна да го троши трпението на клупското раководство со неговото, како што велат од македонскиот првак, отворено потценување на домашното првенство и гласното негодување секогаш кога требаше да настапи на мечевите од Првата лига.

Хиндс, потенцираат аеродромци, на последните пет средби на домашна сцена постигна вкупно 20 поени или четири во просек по натпревар. Покрај горенаведеното, на Американецот му се забележувало и на повеќекратните уживања во ноќниот живот на ден пред средбите.

Би можело да ве интересира

Муцунски: Остро го осудувам вчерашниот инцидент, во спортот нема простор за насилство и агресија

МЗТ Скопје го освои Купот на Македонија

Катерина Ѓуровски

Општина Аеродром до сите љубители на спортот: Влезот е бесплатен, дојдете заедно да ги бодриме кошаркарите на МЗТ Скопје Аеродром

Ана Ололовска

Историско финале за Феникс

МЗТ Скопје преку ТФТ до финалето на Купот

Петровиќ: Во првото полувреме одбраната ни беше шуплива како сирење