МЗТ се засили со најмладиот македонски репрезентативец во историјата

Од:

Најмладиот македонски репрезентативец во историјата, Кристијан Николов од денеска е нов член на МЗТ Скопје, откако потпиша едногодишен договор со клубот од Аеродром.

Николов (22) со 18 години дебитираше и во Евролигата како играч на Галатасарај, а претходно, со 15 години, осум месеци и девет дена настапи во дресот на Македонија на средба против Русија во 2012 година.

Плејмејкерот во таборот на гигантот од Истанбул замина во 2014 година и се задржа во следните две сезони, по што мина извесен период во екипите на Јесилгиресун (во два наврати), Трабзонспор и Истанбул ББ. Минатата сезона ја одигра во дресот на Петким.

По задржувањето на Андреј Маслинко и Андреј Магдевски во Аеродром, МЗТ уште еднаш ја потврдува определбата за ангажирање на најталентираните кошаркари, кои преку „сино-белиот“ дрес би стекнале драгоцено искуство, што секако би било од бенефит и за македонската кошарка во целост, соопштуваат од клубот.

Покрај нив тројца, во моментов под договор со МЗТ Скопје Аеродром се уште и Дамјан Стојановски, Марко Симоновски и Ранко Мамузиќ.

Би можело да ве интересира

Втор пораз на МЗТ во АБА 2 лигата

Македонските кошаркарки ги почнаа подготовките за евро-квалификациите

Ана Ололовска

Кочов: Сплит има најдобар состав во АБА 2 лигата

Фаворитите без проблеми во четвртото коло од македонскиот кошаркарски шампионат

Ана Ололовска

Ѓоровиќ официјално е селектор на женската репрезентација

Татјана Ташкова

Кочов пред дуелот со Сутјеска: Мора да најдеме начин да ја намалиме нивната ефикасност

Ана Ололовска