Рома ремизираше 0:0 против Џенова, а Жозе Мурињо уште еднаш испука „отровни стрели“ кон Серија А. Португалецот е лут поради поништениот гол во 91.минута и црвениот за Николо Заниоло.
Рисарио Абисо, по голот на Заниоло, процени дека на почетокот на акцијата Ејбрахам го фаулирал Васкез и го понушги голот. Заниоло протестираше и доби црвен картон.
„Што да кажам за голот. Ако тоа беше фаул, тогаш ова повеќе не личи на фудбал. Слободно можеме да го наречеме поинаку, да смислиме ново име бидејќи тоа очигледно е нов спорт. Не е прв пат вакви работи да ни се случуваат оваа сезона. Ова значи дека Рома е „мала“ во очите на моќните“, изјави Мурињо.
Потоа открил што му кажал Заниоло на главниот судија.
„Црвен картон доби дека му рече на судијата: „За кој к.р свириш фаул?“ Сега вие кажете ми дали за нешто такво црвен картон би добиле Џорџо Кјелини во Торино или Златан Ибрахимовиќ на Сан Сиро“.