Менаџерот на Манчестер Јунајтед, Жозе Мурињо во свој стил ја најде причината за синоќешниот пораз (1:0) на гостувањето кај Базел.
Според Португалецот, вина за загубата носат многуте пропуштени шанси пред голот на швајцарскиот тим.
– Загубивме бидејќи во првото полувреме требаше да водиме со 5:0, но не успеавме да постигнеме ниту еден гол и покрај доминацијата. Во првиот дел имавме периоди, во кои се чинеше дека е невозможно да не се победи овој натпревар. Целиот тим е виновен за овој пораз, истакна предводникот на Јунајтед.
Мурињо најави игра на победа на последниот дуел од групната фаза во Лигата на шампионите против ЦСКА Москва, и покрај тоа што и реми ќе му е доволно за освојување на првото место.